Ky personifikim amerikan sjell së bashku gjel detin, pitën nga kungulli dhe futbollin amerikan për të shënuar pak a shumë një gosti të bërë nga pelegrinët në atë çfarë janë tani Shtetet e Bashkuara të Amerikës. Është koha për pangopësi dhe ndoshta reflektim përderisa i analizojmë gjërat për të cilat jemi mirënjohës. Në këtë traditë, ja ku janë disa gjëra për të cilat unë, si banor në komunën e Prishtinës, jam mirënjohës.

• Sorrat: Bashkëbiseduesit e sinqertë të Prishtinës gjithashtu komunikojnë shkëlqyeshëm nga pjesa e pasme.
• Turma të mashkujve në restorante dhe kafe: Rreth tre deri pesë janë klientët e vetëm në një lokal. Kafet, cigaret dhe zinxhirët e arit përzihen me orë të tëra. Në të vërtetë, të dish se çfarë janë duke bërë do të prishte argëtimin.
• Magic Park: Definitivisht jo park, por shpesh i ngatërruar me lluna parkin e vogël në afërsi, Fantasy Land, ky vend nuk është asgjë më pak se magjik. Një pjesë është një shesh i mbyllur lojërash, një pjesë kafiq/resotrant. Por joshja më e madhe, nëse u beson billbordave nëpër qytet, është tenda e tij për bankete. Perfekte për dasma dhe dreka zyrtare – edhe se tani aty është një shesh patinazhi.
• Shëtitja në Nënë Terezë: Koha e lirë me një qëllim tani e gjen shtëpinë e saj shpirtërore në këtë rrugë për këmbësorë.
• Peja nga çepi i çezmës: birra kosovare, e cila po shërbehet më shumë e më shumë, bëhet edhe më e pijshme kur është e freskët nga fuçia. Privatizimi i fabrikës së birrës kurrë nuk ka qenë më i shijshëm.
• Drejtimi i trafikut: Zoti i bekoftë policët të cilët kanë përshtypjen se mund të sjellin rend në anarkinë e veturave dhe këmbësorëve.
• Hamburgerët: Sekreti i shijës së tyre është se mishi është identik me atë të përdorur për qebapa.
• Perëndimi i diellit: Kualiteti i ulët i ajrit në qytet është një çmim i vogël që duhet të paguhet për tranzicionin madhështor në muzg.
• Këndimi me playback: Vallëzimi i ngathtë dhe lëvizjet e pazëshme të buzëve të cilat maskohen si këndim ndihmojnë që të ndërprejnë spektrin e gjërë të TV programeve, nga lojra televizive gjer tek TV programe të modës.
• Makiato: Në fund, por jo së fundi, pija më e njohur e Prishtinës. Ndoshta pjesë e joshjes është që këto makiato nuk i ngjajnë shumë inspirimit të tyre italian. Por, janë të lira dhe ndonjëherë shumë të shijshme. Më me rëndësi, e largojnë ndienjën e fajit nga fakti që nuk je duke bërë absolutisht asgjë.

Tregimi origjinal është i shkruar në gjuhën angleze. 

Foto:Sandy Kim