Maliqi: Sovraniteti janë njerëzit, jo territori

Prej fillimit dialogu ka qenë i bazuar në një presupozim që Kosova dhe Serbia janë të interesuara të integrohen në BE dhe ai interesim u ofron shtysë të arrijnë marrëveshje. Mendoj se kjo nuk është më shtysë.

Sovraniteti janë njerëzit, jo territori, sipas meje. Si Kosovë, duhet ta dimë që sovraniteti është legjimiteti që e fiton në sytë e njerëzve.

Kështu që, cili nga veprimet që Kosova i ka ndërmarrë në veri i ndihmon vendit ta sigurojë njohjen e pesë shteteve mosnjohëse të BE?

Ballkani mbetet prapë i brishtë sepse për sa kohë që ke papajtueshmëri për kufij apo shtetet që janë së brendshmi të kontestueshme prej grupeve etnike, rreziku gjendet gjithmonë aty.

Mungesa e vëmendjes mund të kthehet eventualisht edhe në mungesë të resurseve.

Po anashkalohet nevoja e Kosovës për të qenë pjesë e ombrellave kolektive të sigurisë, e ajo është NATO. Për mua më prioritet do të ishte që Kosova të ishte pjesë e NATO se pastaj bëhesh pjesë e një ombrelle të sigurisë dhe kufiri yt është kufi i NATO.

Është kthyer dialogu nga instrument për të zgjidhur politika të mëdha në një lloj njësie e BE për menaxhim të krizës që merret me tema periferike por praktike të dialogut.