Pa punë ose pa kontratë

Amësia, në veçanti, shpesh shënon momentin kur punësimi bëhet i pasigurt.

Mënyra se si është strukturuar aktualisht pushimi i lehonisë nuk ndikon vetëm në punësimin e grave të reja, por shpesh krijon presion edhe tek ato që tashmë janë pjesë e tregut të punës.

“Nëse po përballemi me rënie të natalitetit, zgjidhja nuk është t’i mbajmë gratë në shtëpi. Shumë prej tyre kanë përfunduar arsimin dhe pastaj stimulohen të qëndrojnë jashtë tregut të punës përmes politikave sociale”.

Demolli dhe Mustafa thonë se këto politika janë zbatuar paralelisht me një boshllëk tjetër të rëndësishëm, atë të mungesës së investimeve të mjaftueshme në infrastrukturën e kujdesit për fëmijët.

Punëtorët në sektorin joformal zakonisht punojnë pa kontrata, pa stabilitet në punë, pa orar të përcaktuar dhe pa mbrojtje sociale.

Integrimi i grave në tregun e punës nuk varet vetëm nga aftësimi profesional, nëse nuk shoqërohet me infrastrukturën e nevojshme sociale, mungesa e së cilës e bën të mundur punën.