Shtyp

Fjala e kryeredaktores - SHPRESË

Duke reflektuar mbi atë që se çka do të thotë shpresë për Kosovën dhe për vetë Kosovo 2.0, ky numër trajton një dekadë të re që ka ardhur pas pandemisë COVID-19. Duke shtjelluar se si shpresa ndërthuret me zemërimin, rezistencën dhe kërkesën për ndryshim, ky numër i Kosovo 2.0 është thirrje urgjente për veprim ndaj shkatërrimit mjedisor, rritjes së ekstremit të djathtë, pabarazisë ekonomike dhe padrejtësisë sociale. Në të njëjtën kohë, “Shpresë” ofron hapësirë për diskurs feminist, shprehje kulturore, solidaritet dhe të ardhme alternative.

Fjala e kryeredaktores - Vitet '90

“Green” (në shqip: Gjelbër) sfidon krizën e thellë mjedisore me të cilën përballet Kosova. Ky numër trajton ndotjen e ajrit dhe ujit, prodhimin e tepruar të mbeturinave, shpyllëzimin dhe lumenjtë e kontaminuar. “Green” gjithashtu shtjellon rreziqet shëndetësore që komunitetet përballen nga aktivitetet industriale dhe centralet elektrike. Ky numër ndërthur gazetarinë investiguese me analizën e menaxhimit të mbeturinave, pengesat ligjore dhe sociale, dhe zgjidhjet qytetare dhe politike për të argumentuar se mbrojtja e mjedisit është qenësore për një të ardhme më të shëndetshme.

Fjala e kryeredaktores - Ambienti

Fjala e kryeredaktores - Sporti

Ky numër i Kosovo 2.0 shqyrton se si, pavarësisht infrastrukturës, financimit dhe mbështetjes së kufizuar nga shteti, sporti ka formësuar identitetin kombëtar në përpjekjen e Kosovës për t’u njohur. Shtjelluar në kontekstin e pabarazisë dhe nacionalizmit, ky numër shpërfaq aftësinë e sportit për t’i bërë bashkë komunitetet dhe për t’i zbuluar ndasitë. “Sporti” u prodhua me mbështetjen e fushatës së mbledhjes së fondeve, “Kosovo Wants To Play”, (në shqip: Kosova dëshiron të luajë).

Fjala e kryeredaktores - Migrimi

Ky numër i Kosovo 2.0 shqyrton se si migrimi, qoftë i punëtorëve jashtë vendit, refugjatëve apo migrantëve ekonomikë bashkëkohorë, formëson identitetin, shtëpinë dhe përkatësinë. Duke i kushtuar kujdes strukturave politike dhe shoqërore që përcaktojnë kush mund dhe kush nuk mund të lëvizë, “Migrimi” paraqet rrëfime personale të kosovarëve përgjatë brezave, nga punëtorët mysafir nën Jugosllavi, refugjatët e periudhës së luftës dhe të rinjtë e sotëm, shoqëruar me një analizë më të zgjeruar rreth të drejtave dhe politikave të migrimit.

Fjala e kryeredaktores - Balkart

“Balkart” përqendrohet tek arti dhe prodhimtaria kulturore në rajon, duke mbledhur rrëfime nga artistët – në teatër, film, letërsi, performancë dhe art vizual – të cilët sfidojnë narrativat politike mbizotëruese. Ky numër pozicionon artin jo si periferik, por si medium qenësor përmes të cilit njerëzit reflektojnë mbi “tranzicionet e pasigurta”, angazhohen në kritikë sociale dhe kontribuojnë në debate më të gjera rreth mendimit politik, kujtesës kolektive dhe ndryshimit shoqëror në rajon.

Fjala e kryeredaktores - Hapësira Publike

Numri “Hapësira Publike” shqyrton se si hapësirat fizike dhe simbolike që ne banojmë, si rrugët, sheshet, ndërtesat, memorialet, e formësojnë jetën shoqërore, identitetin dhe pushtetin. Ky numër i Kosovo 2.0 analizon mënyrën se si njerëzit në gjithë Kosovën dhe përtej saj përpiqen t’i rimarrin, transformojnë dhe rindërtojnë hapësirat publike. Revista trajton pyetjen se kush “ka me të vërtet pronësi” mbi qytetin dhe kush ka autoritetin për ta përcaktuar kujtesën dhe të ardhmen e tij, duke shtjelluar një peizazh të mbushur me memoriale të periudhës së luftës, rindërtim urban, ndërtesa të braktisura, art rrugor dhe shumë më tepër.

Fjala e kryeredaktores - Seks

Duke analizuar se si seksi dhe seksualiteti janë thellësisht politikë, ky numër i Kosovo 2.0 shqyrton mënyrën se si trupat kontrollohen dhe rregullohen dhe se si normat patriarkale dhe heteroseksualiteti kufizojnë lirinë personale, idetë për gjininë dhe identitetin. “Seksi” ndërthur analizën dhe dëshmitë personale që mbulojnë narrativat LGBTQ+, interseksualitetin dhe punën e seksit, duke reflektuar gjithashtu rreth stigmës, homofobisë dhe kufizimeve ligjore e shoqërore që pengojnë liritë seksuale dhe gjinore në Kosovë dhe rajon.

Fjala e kryeredaktores - Religjioni

Feja është rikthyer si forcë e fuqishme që formëson identitetin, moralin, politikën dhe jetën kolektive në Kosovë dhe rajonin. Ky numër i Kosovo 2.0 mbledh rrëfime dhe analiza, nga ngritja e lëvizjeve fetare të moderuara jashtë vendit, deri te dëshmitë personale të konvertimit ose braktisjes së besimit, për të shqyrtuar se si identitetet fetare ndikojnë në përkatësinë sociale, jetën publike dhe kontestimet mbi moralin, kujtesën dhe pushtetin.

Fjala e kryeredaktores - Korrupsioni

Përmes gazetarisë investigative dhe rrëfimeve personale, “Korrupsioni” shtjellon kostot njerëzore dhe shoqërore të nepotizmit, patronazhit dhe rrugëve të shkurtra, duke shqyrtuar gjithashtu se si korrupsioni sistemik shtrembëron mundësitë, përgjegjësinë dhe jetën qytetare. Përtej titujve, ky numër i Kosovo 2.0 analizon rrjetet, presionet dhe kontekstin historik që mirëmbajnë korrupsionin, duke shtjelluar se si ky fenomen sistemik dëmton besimin e qytetarëve tek shteti dhe minon ndjenjën e lidhjes dhe angazhimit të tyre.

Fjala e kryeredaktores - Imazhi

Numri i parë i revistës së Kosovo 2.0, “Imazh”, shtjellon kontekstin e Kosovës së pavarur pas vitit 2008 – një periudhë e karakterizuar nga simbole si NEWBORN – që përmbajnë premtimin dhe presionin për ta formësuar një imazh kombëtar. Përtej analizës sipërfaqësore, ky numër shqyrton se si perceptimet ndërkombëtare dhe vetë përfaqësimet lokale kanë thjeshtuar, shtrembëruar ose shpërfillur ndërlikueshmërinë e identitetit kolektiv. Përmes një përzierjeje kritike dhe festimi, “Image” krijon bazën për një revistë të përkushtuar ndaj rrëfimtarisë të menduar dhe të nuancuar.