Të raportosh për Gjykatën Speciale nga largësia

Thaçi, Veseli, Selimi dhe Krasniqi ngarkohen me përgjegjësi penale individuale dhe me përgjegjësi penale si eprorë për:

Krime kundër njerëzimit (përndjekje, burgosje, akte të tjera çnjerëzore, torturë, vrasje të paligjshme dhe zhdukje me forcë të personave); dhe

Krime lufte (arrestim dhe ndalim i paligjshëm ose arbitrar, trajtim mizor, torturë, dhe vrasje të paligjshme, në bazë të nenit 14 të Ligjit).

Më 16 dhjetor 2022 Mustafa u shpall fajtor për krimet e luftës të ndalimit arbitrar, torturës dhe vrasjes së paligjshme dhe u dënua me 26 vjet burgim. Trupi gjykues urdhëroi Mustafën të paguajë një shumë prej 207.000 euro si kompensim për dëmin e shkaktuar ndaj viktimave të krimeve për të cilat është shpallur fajtor. Më 2 shkurt 2023, mbrojtja e Mustafës e dërgoi Aktgjykimin në Apel.

Shala pretendohet se ishte anëtar i UÇK i stacionuar në Kukës, Shqipëri. Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej UÇK.

Më 18 maj 2022, Gucati dhe Haradinaj u shpallën fajtorë se zbuluan pa autorizim informacion të mbrojtur prej Ligjit të Gjykatës Speciale, ndër të cilat të dhëna identifikuese të disa dëshmitarëve (të mundshëm). Të dy të akuzuarit u shpallën fajtorë dhe u dënuan me nga 4 vjet e 6 muaj burgim dhe me gjobë prej 100 eurosh për secilin. Mbrojtja e tyre apeloi vendimin, teksa Gjykata e Apelit konfirmoi vendimin e shkallës së parë, por ua uli dënimin nga 4 vjet e 6 muaj në 4 vjet e 3 muaj.