Lufta e qeverisë kundër flamingove

Po aq e vështirë është të imagjinohet një ndryshim në mënyrën se si qeveris Rama, duke qenë se sistemi që ka ndërtuar gjatë 13 viteve në pushtet është karakterizuar nga akuza për korrupsion, lidhje me organizata kriminale dhe nepotizëm. Në vend që të ndryshojë qasje, Rama ka kërkuar vazhdimisht t’i kontrollojë dhe t’i minojë protestat. Për të kuptuar se si Rama arriti deri në këtë pikë, ia vlen t’i kthehemi javëve të para të lëvizjes.

Megjithatë, lëvizja e flamingove paraqet një sfidë krejt tjetër. Këtë herë, Rama nuk mund të mbështetej më në format se si kishte reaguar ndaj protestave të mëparshme, për dy arsye. Së pari, projekti i diskutueshëm zhvillimor lidhet me Kushnerin, dhëndrin e Trump, çka e bën çdo vendim për anulimin e tij politikisht të ndjeshëm, veçanërisht marrë parasysh ndikimin e administratës Trump në rajon dhe pasojat e mundshme diplomatike. Së dyti, lëvizja është përhapur në mbarë vendin, ka përfshirë diasporën dhe ka nxjerrë mijëra njerëz në rrugë, ndërsa kërkesat e saj janë zgjeruar përtej anulimit të projektit, përfshirë edhe dorëheqjen e Ramës.

Nga 1 deri më 3 qershor, qëndrimi i Ramës ishte se projekti në Zvërnec ishte çështje e zhvillimit të pronës private dhe se mbrojtja e mjedisit do të respektohej. Ai deklaroi se mosmarrëveshjet pronësore duhej të zgjidheshin nga gjykatat, duke e distancuar qeverinë nga çështjet që lidhen me pronësinë e tokës.

Zhgënjimi që qëndron pas këtij përshkallëzimi ishte i qartë te disa nga protestuesit më të rinj. Mbrëmjen e 13 tetorit, shkëmbeva mesazhe në internet me një student që mbështeste veprimet e dhunshme kundër ndërtesave të qeverisë. Kur e pyeta pse, u përgjigj: “Për 130 ditë me radhë folëm dhe marshuam në mënyrë paqësore, ndërsa qeveria na pështyu në fytyrë. Pastaj e ktheu situatën përmbys dhe të nesërmen na tha se do të duhej të ishim mirënjohës që na kishte pështyrë në fytyrë”.

Fjalët e tij pasqyrojnë ndjesinë gjithnjë e më të përhapur në mesin e protestuesve: se muaj të tërë protestash paqësore nuk kanë sjellë ndryshime të prekshme. Rama ka kaluar nga akomodimi te përpjekjet për t’i kontrolluar protestat dhe më pas te represioni, por asnjëra prej këtyre qasjeve nuk ka arritur ta ndalë një lëvizje që po sfidon gjithnjë e më shumë pushtetin e tij. Mbetet të shihet se deri ku është i gatshëm të shkojë Rama për ta mbajtur atë.

Imazhi i ballinës: Atdhe Mulla